Cinikin makaman kamar tankunan yaki da jiragen yaki da na ruwa na karkashin teku ya ragu da kashi 4.6 cikin 100 ,daga shekara ta 2017 zuwa 2021 idan aka kwatanta da shekaru biyar da suka gabata. A rahoton da ta bayyana na shekara, cibiyar binciken zaman lafiya ta Sipri da ke birnin  Stockholm ta ce a Turai cinikin makaman ya karu da kishi 19 cikin dari. Sai dai alkalluman ba su tabo batun yakin da ake yi ba a Ukraine a game da makaman da ake shigar da su a  kasar.