Gwamnatin kasar ta fitar da wannan matsaya ce bayan wani taro da aka gudanar a tsakanin Ministar Kudi Zainab Shamsuna Ahmed da Shugabannin Majalisun Dokokin kasar. Gwamnatin ta ce za a samu wani kaso na kudaden daga aljihun gwamnati. Za kuma a samu tallafi daga kasashen ketare da kuma basussuka. Hukumomi sun yi amannar cewa wannan tsari zai ba su damar tunkarar annobar corona yadda ya kamata. 

A makon da ya gabata ma dai Babban Bankin Najeriya ya jagoranci tara kudade daga wurin attajiran kasar da suka kai Naira milyan 120,000 domin dai a yaki corona wace kawo yanzu ta kama 'yan kasar guda 210 ciki kuwa har da gwamnoni guda uku da babban jami'i a fadar shugaban kasar.