Da yake jawabin ranar Lahadi da ya saba yi, Paparoma ya ce duba da yadda annobar Corona ke yaduwa a duniya, akwai matukar bukatar dakatar da duk wani rikici a duniya don bai wa iyalai zama gida. Paparoma ya tabo musamman barikokin soja da sansanonin 'yan gudun hijira da muta ne dake gidajen yari, a matsayin wadanda ake matukar bukatar su samu damar zuwa gidajensu don gudun kamuwa da cutar Corona, wace cuncoson jama'a ke kara yada ta. Shugaban darikar Katholikan dai ya nuna goyon bayansa ne ga sakatare janar na MDD Antonio Guterres, wanda ya bukaci a tsagaita wuta a yakin da ke faruwa a kasar Siriya. Inda yakin ke haddasa karuwar 'yan gudun hijira baya ga dubbai da ake da su yanzu.