An kafa dokar kule a Koriya ta Arewa
May 12, 2022![Nordkorea | Omicron-Variante | Der nordkoreanische Machthaber Kim Jong-un](https://static.dw.com/image/61765818_800.webp)
Talla
Wannan shi ne karo na farko da aka samu bullar cutar a Koriya ta Arwewa sama da shekaru biyu bayan bazuwar annonbar a duniya wacce a yanzu da sannu a hankali aka fara samun saukinta a cikin sauran kasashe. Wasu gwaje-gwajen da aka gudanar a birnin Pyongyang daga masu fama da zazzabi ya zo daidai da nau'in cutar na corona na Omicron BA.2 mai saurin yaduwa. Kwararru sun ce tsarin kiwon lafiyar Koriyan da ke da kura-kurai ,zai wahala wajen tinkarar cutar, musamman ma ganin cewar a kasar babu wanda aka yi wa allurar rigakafi cikin mutum miliyan 25.