Ita dai kwayar cutar ta coronavirus ko kuma covid 19 kamar yadda Hukumar Lafiya ta Duniya WHO ta sauya mata suna cikin wannan makon, ta fara bulla ne a garin Wuhan na kasar Chaina, kuma a halin yanzu ta halaka mutane sama da 1,000 a Chainan. Tuni dai kasashen duniya ciki har da na Afirka ke bayyana cewa suna daukar matakan da suka dace domin dakile yaduwarta zuwa kasashensu. KWayar cutar dai na saurin yaduwa tare kuma da yin kisa.