Ministan tsaron kasar kana jami'in da ke kula da kwamitin da ke yaki da cutar ta Covid-19 a Saliyo din Kellie Conteh ne ya ambata hakan a jiya Laraba, kuma ya ce dokar ta hana fita za ta fara aiki ne daga ranar Lahadin da ke tafe.

A cewar ministan, hukumomi za su raba kayan aiki wadanda suka hada da kyallen rufe fuska da sauran kaya na kare kai daga kamuwa da cutar ga jami'an kiwon lafiya kasar sannan ya yi kira ga 'yan kasar da su dauki matakai na kariya daga cutar ta Covid-19.

'Yan Saliyo din dai na nuna fargaba game da yadda za a tinkari wannan annoba kasancewar kasar na kalubale babba a fanninta na kiwon lafiya.