Nan gaba kadan duk wanda ya shigo Jamus ko mazaunin da ya dawo kasar daga ketare ba za a killace shi a dole ba, sai dai zai zaman kulle a gida tsawon kwanaki 14. Wannan na daga cikin matakan da gwamnatin tarayyar Jamus da takwarorinta na jihohin kasar suka amince da shi bayan amincewa da janye matakan bincike a kan iyakokin kasar.

A cikin kwanaki masu zuwa za a sanya ka'idojin a cikin kundin dokokin jihohin kasar a cewar ma'aikatar cikin gidan Jamus.

Masu shigowa kasar daga kasashen kungiyar tarayyar Turai da na Schengen da kuma kasar Birtaniya za su yi aiki da shawarar kulle kansu a gida tsawon kwanaki 14, idan sun fito daga kasashen da ke da babbar kasada ta yaduwar annobar corona.