Sai dai shugaban bangaren agajin gaggawa na hukumar Mike Ryan ya ce, bai dace ayi hasashe lokacin da za a iya wadata al'umar duniya da allurar riga kafin cutar ta corona ba.

Akwai yiwuwar tabbatar da sahihancin allurar a karshen wannan shekarar, amma ayar tambayar a nan ita ce, yaushe za a iya sarrafa adadadin da zai wadata jama'a? a cewar Ryan a taron manema labaru.

A fadin duniya dai, yanzu haka kusan mutane miliyan 11 suka kamu da kwayar cutar ta COVID 19, a yayin da sama da dubu 523 daga cikinsu, suka rasa rayukansu.