Dalibar Indiya da aka yi wa fyade ta mutu
December 29, 2012![epa03518670 An Indian protester holds a candle and others placards, during a silent protest march held by sex workers, transgender and gays, against the gang rape of a student in New Delhi a week back, in Mumbai, India, 27 December 2012. The 23 year old woman who was gang-raped by 6 men on a moving bus on the night of 16 December 2012 has been flown to a Singapore hospital for further treatment of her severe internal injuries. EPA/DIVYAKANT SOLANKI](https://static.dw.com/image/16486657_800.webp)
Dalibar kasar Indiya wadda fyaden da aka yi mata a motar safa a Delhi babban birnin kasar ya janyo zanga zanga a fadin kasar ta cika a wani asibitin Singapore. 'Yar shekaru 23 da haihuwa, ta bar duniya sakamakon raunukan da ta samu yayin wannan fyaden. Wadanda su ka yi mata fyaden sun tika mata duka sannan su ka hurgo ta daga motar safa, tare da namijin da su ke tafiya. Zanga zangar da ta biyo bayan fyaden ta yi sanadiyar mutuwan dan sanda daya.
Firaministan kasar ta Indiya Mamnmohan Singh ya bayyana matukar bakin ciki da samun labarin mutuwar dalibar mai karatun aikin likita.Tuni gwamnatin kasar ta bayyana cafke bata garin da su ka aikata wannan danyen aiki, wadanda aka ce za su yaba wa aya zaki.
Mawallafi: Suleiman Babayo
Edita: Mouhamadou Awal Balarabe