Wata kotu a jihar Kaduna da ke arewacin Najeriya ce, ta bai wa jagoran Kungiyar 'yan Shi'a, Sheikh Ibrahim El-Zakzaky izinin zuwa kasar Indiya domin neman magani tare da mai dakinsa Zeena. Sai dai a yayin da hukumar tsaro ta farin kaya ta sanar da aiki da umurnin kotu bisa wasu sharruda da aka gindaya wa malamin, akwai batun lallai sai ya tafi da rakiyar jami’an tsaro, lamarin da yanzu haka ya haifar da cece-kuce a cikin kasar.