Kasashen Nijar da Burkina Faso sun jaddada aniyarsu ta kara hada kai a tsakaninsu domin yakar 'yan ta'adda a iyakokinsu. Shugaban mulkin rikon kwarya na Burkina Faso Paul-Henry Sandaogo Damiba ya bayyana hakan a ziyarar da ya kai a wannan Lahadi a birnin Niamey bayan da ya gana da shugaban kasar Mohamed Bazoum.

Damiba ya ce: ""kun san matsalar tsaro a iyakokin kasashenmu uku na ci gaba da daukar mana da hankali. Wannan dalili ne ya sa na yi tafiyayya zuwa Nijar domin tattaunawa da shugaban kasar ta Nijar kan hanyoyin da ya kamata mu tinkari wannan kalubale na tsaro da zummar samar da sabin dabaru na tunkararta da karfi".

Shugaban Burkina Faso ya kai ziyarar ne kwanaki kalılan bayan wata mai kama da ita da ya kai a kasar Mali a kokarin da kasashen uku ke yi na ganin Mali wacce ta face daga hadakar G5 Sahel mai yaki da ta'addanci ta dawo an ci gaba da damawa da ita.