Jihohi 23 cikin 36 ne dai ambaliyar ta shafa a Najeriyar, inda lamarin ya fi muni a jihohin arewa maso gabashin kasar. Sama da mutum 100 ne dai suka mutu, yayin da wasu 270 suka jikkata, acewar hukumomi. Kawo yanzu mutum 73,000 ne ambaliyar ta raba da gidajensu. Gwamnatin Najeriya ta ce akwai gonaki da ibtala'in na ambaliyar ruwan ya shafa. Galibi dai mutane kan fama da matsalar ta ambaliya a Najeriya a lokutan damina, kama daga watan Mayu zuwa Satumba.