Tabarbarewar dangantaka tsakanin Indiya da Pakistan
February 26, 2019![Indien Mirage 2000 Kampfjet in Unnao, Uttar Pradesh](https://static.dw.com/image/47694486_800.webp)
Manyan kasashen duniya sun soma nuna damuwa game da rikicin Pakistan da Indiya suna masu fatar kasashen biyu za su sakawa zukatansu ruwan sanyi bayan wani ruwan bama-bamai da Indiya ta yi a sansanin mayakan jihadi a kasar Pakistan.
Kasar China ta ce yaki da ta'addanci abu ne da ya shafi kasa da kasa, tana mai kiran kasashsne biyu da su zauna lafiya, a daidai lokacin da ita ma Kungiyar Tarayyar Turai, ta yi kira da kakkausar murya ga kasashen biyu, da su warware rikicin a cikin ruwan sanyi, kana EU ta ce dole ne kasashen su guji fitina.
Sai dai kiraye-kirayen kasashen duniya na zuwa ne a daidai lokacin da kasar Pakistan ta tsaya kai da fata tana mai cewa, hujjojin da Indiya ta bayar na kai mata farmakin ba su da tushe, tana alwashin daukar fansa a duk lokacin da ta ga dama.