Dusar kankara a Turai ta janyo soke sufurin jiragen sama
Abdulkarim Muhammad Abdulkarim
January 5, 2025
Yankin kudancin Jamus na daga wuraren da lamarin ya fi kamari, inda aka soke tashin jiragen sama 120 daga cikin 1,090 da aka tsara zirga-zirgarsu a filin jirgin saman Frankfurt.
Hoto: Lando Hass/dpa/picture alliance
Talla
Saukar dusar kankara a sassa daban-daban na kasashen nahiyar Turai ta janyo tsaiko da soke zirga-zirgar jiragen sama da na kasa, har ma da motoci, da kuma rufe shaguna da sauran kasuwanni, ciki har da nan Jamus.
Yankin kudancin Jamus na daga wuraren da lamarin ya fi kamari, inda aka soke tashin jiragen sama guda 120 daga cikin 1,090 da aka tsara zirga-zirgarsu a filin jirgin saman Frankfurt, wanda ya fi fice wajen hada-hadar jiragen a Jamus.
Dusar kankarar ce ta shafe titin sauka da tashin jiragen saman, da ke bukatar kwashewa da kuma samun kyakkyawan yanayin ganin sarari sosai kafin komawa aiki yadda ya kamata.
Haka dai batun yake ga bangaren sufurin jiragen kasa, kamar yadda hukumar kula da sufurin jiragen kasa ta Jamus Deutsche Bahn ta sanar.
karin bayani:
Dusar kankara na barazana a Turai
Hunturu ya haifar da matsaloli a wurare da yawa a kudancin Jamus, inda zubar dusar kankara ta sa hanyoyin mota da na jirage toshewa yayin da bishiyoyi suka karye. A wani bangare kuma harkar sufuri ta gurgunce.
Hoto: picture-alliance/dpa/T. Hase
Dusar kankara na zuba ba kakkautawa
Share gilashin mota a yanayin tsananin sanyi da zubar dusar kankara na bukatar dagewar gaske. Wadannan mutane da ke cikin wani daji na jihar Bavariya da ke kudancin Jamus sun dauki lokaci kafin haka ta cimma ruwa.
Hoto: picture-alliance/dpa/T. Hase
Aiki tukuru na share kankara
Ba wai kawai wurare mallakin kananan hukumomi ne ake share dusar kankarar ba - ko da masu zaman kansu ma akwai dusar mai yawa da ya kamata a tsabtace - ko kuma a rage yawanta, kamar yadda yake wakana a nan Warngau kusa da birnin Munich.
Hoto: Reuters/M. Dalder
"Muna kokarin kawar da dusar kankara"
A filin jirgin saman Munich, dusar kankara ta haddasa jinkirin tashin jirage, lamarin da ke haifar da rashin jin dadi a tsakanin fasinjoji. An soke zirga-zirgar jirage 140 a karshen mako. "Muna zage dantse don ganin cewar mun kawar da dusar kankara," inji kamfanin jirangen saman Jamus wato Lufthansa.
Hoto: Reuters/A. Gebert
Dusar kankara na jinkirin zuwa hutu
Bisa dalilai na rashin kyaun yanayi da zubar dusar kankara, an dakatar da tashin jirage da dama. Matakan kare jiragen sama a Munich sun sa an samar da ratar lokaci tsakanin tashi da saukar kowanne daga cikinsu. Share kankara a jikin jirgi - kamar wannan Airbus A321 - na bukatar karin lokaci.
Hoto: picture alliance/dpa/S. Puchner
Zirga-zirga ta tsaya cak
Kilometa 30 na cunkoso: wannan shi ne tarihin da aka kafa a kan wata babbar hanyar mota da ke jihar Bavariya. Bishiyoyi da suka fadi sun tsare hanya a garin Siegdorf. Zubar dusar kankara a kudancin Jamus ta jefa mutane cikin bala'i, kuma har yanzu akwai hadari.
Hoto: picture-alliance/dpa/B. März
Zubar kankara a tashar jirgi
Wanda ya yi tunanin cewar zai bi jirgi don zuwa wani wuri a lokacin sanyi, to ya rudi kanshi. Saboda kullum dusar kankara na zuba a hanyar da jirage ke zirga-zirga. Bishiyoyi sun karkace saboda nauyin dusar kankara da ke zuba kan layin dogo. Ana dakatar da aikin jiragen kasa kamar a wannan tasha ta Marktoberdorf a Bavariya.
Hoto: imago/Action Pictures/P. Schatz
Wahalar kwashe dusar kankara
Jami'an kwana-kwana, da jami'an kula da tsabta bisa taimakon sauran ma'aikata na kokarin kwashe dusar kankara da ta lullube layin dogo, kamar yadda yake faruwa a nan cikin wani daji a jihar Baden-Wuerttemberg.
Hoto: picture alliance/dpaB. Spether
Wasa a kan kankara
Idan a gefe daya dusar kankarar na cutar da wasu, amma tana faranta ran wasu: A jihar Baden-Württemberg wani Baba na jan 'ya'yanshi da babbar mota domin tayasu zamiya a kan kankara. Saboda haka ake iya zamiyar kankara ko ba a kan tsauni ba.
Hoto: picture-alliance/dpa/T. Warnack
Gari na zama fari a lokacin sanyi
Tabbas ba abin da ya fi hoton lokacin zubar dusar kankara kyau: Baya ga kyaun yanayi, yana faranta ran wasu. Yara na jin dadi saboda a wurare da dama a kan rufe makaranta.
Hoto: picture-alliance/dpa/K.-J. Hildenbrand
Hotuna 91 | 9
Sauran kasashen da dusar kankarar da muku-mukun sanyi suka janyo tsaikon al'amura sun hada Burtaniya da Holland da sauransu, lamarin da tilasta matafiya hakura da tafiye-tafiyen da suka tsara yi a Lahadin nan.
A Burtaniya dai filayen jiragen sama sun soke jigilar fasinjoji da dama a biranen Manchester da Birmingham da Bristol da kuma Liverpool na Ingila, da kuma Cardiff da ke Wales, har ma da jiragen kasa da shaguna da tsayar da sauran harkokin yau da kullum.
Lamarin da ake ganin ka iya janyo dakatar da wasan hamayya na gasar firimiyar Ingila tsakanin Liverpool da Manchester United, ko da ya ke jami'an hukumar kwallon kafar kasar na ci gaba da kai kawo don ganin wasan ya gudana kamar yadda aka tsara a Lahadin nan.
A Holland ma an soke tashin jirage 70 a filin jirgin saman Amsterdam, inda jami'an filin jirgin ke fatan al'amura za su iya daidaita zuwa cikin daren Lahadin nan.
