Ministan harkokin wajen kasar Ghana Shirley Ayorkor Botchway da kungiyar Kasashen Afirka ta Yamma ta ECOWAS ta tura Burkina Faso ta ce ECOWAS za ta ci gaba da aiki kafa-da-kafa da gwamnatin sojin Burkina faso, duk da fargabar da ake yi ta sojoji za su tsawaita zamansu a mulki har nan da shekaru uku.

A yayin da jami'in diflomasiyyar ke magana a ranar Alhamis a birnin Ouagadougou ya ce ECOWAS ta damu a kan tsawaita zaman sojojin kan mulki amma sojojin da suka yi juyin mulki a watan Janairun da ya gabata sun yi mata cikakken bayani a game da dalilansu na yin hakan. Kuma halin da kasar ke ciki ba lokaci ne da ECOWAS za ta yi watsi da ita ba.