A taron jam'iyyarsa Erdorgan ya ce "Muna adawa da kashe fararen hula a yankunan Isra'ila a fili, a lokaci guda kuma, ba za mu taba amincewa da kisan gillar da ake yi wa mutanen da ba su ji ba ba su gani ba a Gaza, ta hanyar kai hare-hare".

A cewarsa dai wannan  ba yaki ba ne, kisan kiyashi ne a lokacin rikici ta hanyar amfani da kowane nau'i a kan jama'a.

Shugaban Turkiyyan ya ce Isra'ila na hana mutanen Gaza kayayyakin agaji na bukatun yau da kullum da suka hada da ruwa da wutar lantarki, yayin da suke kai hari kan ababen more rayuwa da wuraren ibada da kuma makarantu.