Shugaba Turkiyya Tayyip Erdogan ya bayyana a wannan Asabar cewa Turkiyya za ta kawo karshen rikicin Siriya a filin daga bayan zaben kananan hukumomi a ranar Lahadi. Erdogan ya fada wa magoya bayan jam'iyyarsa a birnin Istanbul cewa babu batu na kawar da wannan fada na Siriya a kan takarda za su je filin daga ne a kawo karshensa.

Wannan dai na zama wani mataki na kara koda jam'iyyarsa ta AKP don kara samun goyon baya yayin zaben.

Turkiyya dai ta kai farmaki ga Kurdawa sau biyu bayan ratsa iyaka inda ta shiga Siriya ta kuma yi barazanar kara kai farmaki muddin ba a dena barazana ga iyakarta ba.