EU ta haramta lalata kayan sakawa
July 19, 2026
A duk shekara ana lalata dubban tan na kayan sakawa a fadin kasashe 27 mambobin EU saboda sun lalace, ko kuma sun tsufa a shagunan ko kuma wadanda aka dawo da su bayan an siya a intanet.
Ana sa ran sabuwar dokar za ta shafi manyan dillalan kayan sawa, masu sayar da kayan sari. A karkashin dokar, an haramta wa manyan kamfanoni masu ma'aikata sama da 250 da kuma kudaden shigarsu na shekara-shekara da ya zarce euro miliyan 50, lalata kayayyakin da ba a sayar ba, kamar su tufafi, kayan kawa da takalma.
A yanzu ya zama wajibi kamfanoni su nemo hanyoyin sayar da kayan, ta hanyar bayar da rangwame da neman wasu kasuwanni da kuma bayar da su a matsayin gudummawar agaji.
Za a fadada dokar, wadda Brussels ta amince da ita tun fiye da shekaru biyu da suka gabata, ta shafi matsaikatan kamfanoni a shekarar 2030.