Kotun ta bai wa kamfanin Apple da Ireland nasara a karar da suka shigar a shekarar 2016 wanda ta ce ba sai kamfanin mallakin kasar Amurika ya biya wannan kudin ba.

Alkalan kotun a Luxemburg sun ce kotun ta yanke wannan hukuncin ne saboda kungiyar tarayyar Turai ta gaza bayar da gamsassun bayanai na doka da suka nuna samun fifiko a gogayyar cinikayya.

Wannan hukunci dai ka iya kai wa ga mataki na gaba na daukaka kara zuwa kotun koli ta tarayyar Turai.