Kakakin sojojin Isra'ilan ne dai ya bayyana cewa sun yi luguden bama-bamai a kan mayakan Hamas na Falasdinu, biyo bayan wasu hare-hare da aka kai da rokoki uku daga yankin Zirin Gaza zuwa Isra'ila. Falasidinawan dai na ci gaba da nuna adawarsu da abin da shugaban Amirka Donald Trump ya kira da jadawalin zaman lafiya na karni a yankin Gabas ta Tsakiya, yayin da a hannu guda Isra'ila ta kara yawan dakarunta a kan iyakarta da yankin Zirin Gaza na Falasdinu.