Bardella ya samu wannan nasara ce bayan fafatawar da ya yi da Louis Aliot a wannan Asabar, inda ya samu kaso 85 cikin 100 na kuru'un 'yan jam'iyyar.

Ana sa ran ya ci gaba da aikin gina mutuncin jam'iyyar a fadin Faransa bayan shekaru 11 da Marine Le Pen ta yi tana wannan aiki.

Duk da gaza kayar da shugaba Emmanuel Macron da Le Pen ta yi a zaben shugaban kasar da ya gabata a shekarar nan, rahotonni sun ce 'yar siyasar yanzu za ta mayar da hankalinta ga samun goyon bayan 'yan majalisar kasar domin sake tsayawa takarar shugaban kasa a zaben 2027.