A karo na biyu Faransa ta dauki kofin kwallon kafa ta duniya
July 15, 2018![Russland WM 2018 Frankreich gegen Kroatien](https://static.dw.com/image/44686042_800.webp)
Talla
Faransa ta lashe gasar kofin kwallon kafa ta duniya na 2018 bayan da ta doke Croatia da ci 4-2 a wasan karshe da aka buga da maraicen yau Lahadi a birnin Moscow. Wannan dai shine karo na biyu da Faransar ta dauki kofin kwallon kafar na duniya, ta dai dauki kofin a shekarar 1998.
Ga kasar ta Faransa wannan nasara ce ta kwazo da himma da 'yan wasanta suka nuna a gasar ta Rasha, kuma zakaran gwajin dafi ne na yan wasanta sabbin jini wadanda suka taka rawar gani.
Ita ma Croatia wannan ne karon farko da ta kai zagayen karshe na gasar cin kofin kwallon kafa ta duniya.