Bangarorin biyu dai a tattaunawar da suka yi a watan Disamba a kasar Sweden sun amince da janye mayakansu daga muhimman wurare a birnin na Hodeida da kuma bude kofar kai kayan agaji a ranar 7 ga watan Janairu. To amma tun daga wannan lokaci kokarin aiwatar da yarjejeniyar ya ci tura.

Majalisar Dinkin Duniya ce dai ke shiga tsakani domin warware rikicin da aka shafe shekaru hudu ana yi da kuma kokarin kaucewa ta'azzarar rikicin a Hodeida.