Fashewar dam din da yanzu haka ya janyo ambaliyar ruwa a yankunan da ke kusa da ita, ta shafe gonaki da ba a jima da yi musu sabbin shuka ba.

Hukumar ta MDD ta ce sama da mutum miliyan 340 ne wannan ambaliyar ka iya lalatawa abinci a fadin duniya, wadanda ke dogaro kacokam ga hatsin kasar ta Ukraine.

Mahukuntan Ukraine na ganin wannan ambaliyar ka iya isa ga wasu gonakai sama da kadada dubu 10 a yankunan Dnipro da Kherson

Can ma a yankunan da Rasha ta karbe iko tuni ambaliyar ta raba mutane da dama da matsugunnansu.

Rasha da Ukraine na ci gaba da nuna yatsa a junansu a kan wanda ya yi sanadiyar ballewar ruwan, da dukkanin su ke ji a jika.