Hukumar binciken tsaro ta Amurka FBI ta kori jami'anta shida daga aiki, bayan samunsu da laifin fallasa yadda shugaba Donald Trump ya boye wasu kundayen bayanan tsaro a gidansa na Mar-a-Lago a Florida, bayan kwashe su daga fadar White House, lokacin da ya sha kayi a zaben shugaban kasa na 2020.

Shugaban hukumar Kash Patel ne ya ba da umarnin korar ma'aikatan, bisa rawar da suka taka a badakalar binciken Mr Trump ta shekarar 2022, bayan gaza samun damar zarcewa a kan kujerar shugabancin Amurka zango na biyu a jere.

Karin bayani - Trump ya bayyana nasarorin gwamnatinsa

Muhimman bayanan da Mr Trump ya boye a gidan na sa sun kunshi takardun shelkwatar tsaro ta Pentagon da kuma  na hukumar leken asiri ta CIA.