A lokacin da ya ke sanar da hakan a gidan talabijin din kasar, Choguel Kokalla Maïga ya jaddata cewa dolle ne sai Mali ta dawo cikin hayyacinta kafin a yi maganar shirya zabe, sai dai ba yi karin haske kan wani kayyadaden lokaci ba.

Karin bayani: Sojojin Mali sun haramta al'amuran siyasa a fadin kasar

Mista Chogel Maiga ya kuma siffanta 'yan siyasa da a baya-bayan nan ke da'awar a gaggauta mika mulki ga farar hula a matsayin karnukan farautan wasu kasashe da ya bayyana a matsayin makiyan Mali.

Karin bayani: Rusa kungiyar dalibai ta jawo damuwa a kasar Mali

Firaiminstan ya kuma zayyana irin nasarorin da Mali ta samu na fatattakar 'yan ta'adda bayan da ta raba gari da Faransa da kuma kasashen Turai, sannan kuma ya ce sai bayan kammala zaman tattaunawa na kasa da aka fara a ranar 31 ga watan Disamba bara karshin kanal Assimi Goita ne za a san alkiblar da kasar ta dosa.