Kasashe 44 na nahiyar Afirka, sun zargi kasar India kan kin hana hare-haren nuna kyamar da indiyawa suka nunawa 'yan kasashen Afrika, musamman 'yan Najeriya da ke kasar. Mutane da dama ne dai suka sami raunuka, wasu ma munana, bayan afkawa baki bakar fata da indiyawa suka, sakamakon mutuwar wata yarinya a birnin Delhi ranar Litinin na makon jiya.

Rigimar dai ta tashi ne bayan sakin wasu 'yan Najeriya da aka zarga da hannu cikin mutuwar yarinyar. Wata sanarwar da shugabannin na Afirka suka fitar, sun yi matukar nuna damuwa ne da rashin samun bayanan jaje ko nuna nadamar aika-aikar daga mahukuntan kasar ta Indiya.