Merkel a zantawa da manema labarai, ta ce sun amince da su bayar da goyon baya ga sharudda da aka shimfida kan dokokin kasuwancin duniya. Taron kolin ya gudana ne a daidai lokacin da a ke ci gaba da takkadama a kan shinge da karin harajin da Amirka ta dora kan karafa da goran ruwa da kawayen cinikin kasar da suka hada da wasu kasashen Turai da Kanada da kuma Mexico.

Shugaban na Amirka Donald Trump, ya katse zamansa a wurin taron, inda ya zarce zuwa kasar Singapore don zaman tattauna da shugaban Koriya Ta Arewa Kim Jong Un kan makamin nukiliya,za a yi ganawa mai dimbin tarihi ne a ranar 12 ga watannan na Yuni, Trump ya musanta rahotannin cewa, taron na kungiyar G7 ya kasance mai tattare da takaddama.