Ministar harkokin wajen Izraela Tzipi Livini ta gana da shugaban Palasdinawa Mahmoud Abbas ,a gefen taron inganta tattalin arziki na kasashen duniya dake gudana a birnin Davos dake kasar Switzaland.Dangane da wannan ganawar tasu Livni tace mataki na gaba adangane da samarda zaman lafiya a yankin gabas ta tsakiya,shine ganawar bangarori uku tsakanin shugaban Palasdinawa Abbas da prime minista Ehud Olmert na Izraelan da sakatariyar harkokin wajen Amurka Condoleeza rice .Shugaba Abbas a nashi bangaren ya bayyana cewa bisa dukkan alamu shirin samarda zaman lafiya tsakanin bangarorin biyu zai cimma nasara.