Garkuwa da Bajamushe a arewacin Najeriya
April 16, 2018![Nigeria Sicherheitskräfte Kampf gegen Boko Haram](https://static.dw.com/image/18591938_800.webp)
Talla
Wasu 'yan bundiga sun yi garkuwa da wani Bajamushe da ke aiki a wani kamfanin gine-gine a arewacin Najeriya, abin da ke zuwa bayan harin da ya jaza rasa ran dan sanda guda kamar yadda jami'an suka bayyana.
A cewar mai magana da yawun 'yan sanda a jihar ta Kano Magaji Musa Majia mutane biyar ne suka kai farmakin ga motar da ke dauke da Bajamushen lokacin da suke kan hanyarsu ta zuwa wajen aiki da misalin karfe bakwai da minti arba'in da biyar na safe. An dai shiga farautar wadanda suka yi garkuwa da Bajamushen kawo yanzu.