A wannan Juma'ar ce ake bude gasar wasannin Olympics na bana a birnin Tokyo na kasar Japan. Bikin bude gasar zai sami halartar manyan baki 950 ne kawai saboda annobar Corona.

Wasannin za su gudana a yanayi na dokar ta baci da aka sanya karo na hudu a yankin Tokyo baki daya saboda yaduwar corona.

Firaministan Japan Yoshihide Suga na fatan wasannin na Olympics da za a yi ba tare da yan kallo ba za su gudana cikin nasara duk da yanayin da ake ciki na annoba.