Wasu kasashen yamma dai a baya bayan nan sun amince cewa an aikata ba daidai ba kan abin da aka yi wa Afirka a lokacin mulkin mallaka kuma tuni gidajen adana tarihi na turai suka fara dawo wa da Afirka kayan tarihi da aka sace.

Karin Bayani: Jamus za ta mayar wa Najeriya da kayan tarihi

Shugaban na Ghana yana yawan magana kan biyan diyya inda ya yi amfani da jawabinsa a zauren babban taron Majalisar Dinkin Duniya wajen kira ga kasashen da suka yi wa Afirka mulkin mallaka su amsa girman tasirin abin da suka aikata na mulkin mallaka.