Daruruwan mutane ne suka yi dafifi a N'Djamena babban birnin Chadin, suna bukatar sojojin kasar da su mutunta alkawarin mika mulki ga gwamnatin farar hula, maimakon kara wa kansu wa'adin shekaru biyu da suka yi.

Majiyoyin lafiya sun tabbatar da mutuwar mutanen sanadiyar harbin bindiga da ma hayaki borkonon tsohuwa da jami'an tsaro suka yi amfani da su a kan masu boren.

Tun da farko dai masu zanga-zangar sun lalata motoci da sauran nau'uka na ababan hawa tare ma da farfasa shagunan ‘yan kasuwa abin da ya kara munana lamarin a Chadi.

A ‘yan kwanakin da suka gabata ne aka gudanar da taron kasa domin sama wa Chadi makoma, taron da ya bayanna Shugaba Mahamat Idriss Deby a matsayin shugaban kasa na riko, shugaban kuma ya nada madugun adawa Saleh Kebzabo a matsayin firaminista.