A Najeriya yayinda ake cigaba da kidayar kuri'un zaɓen shugaban ƙasar da aka kaɗa a ranar Asabar, a bisa ga dukkan alamu Jam'iyyar PDP mai mulki na shirin sake cigaba da jan ragamar mulkin ƙasar har na wasu shekaru huɗu masu zuwa.

A Kaduna kuwa duk da cewa an kammala zaɓen lami lafiya. A yanzu haka akwai tarin matsaloli da kuma rashin kwanciyar hankali da jama'a ke fuskanta.

A yayinda Jihar Jigawa sakamakon zaɓen da aka baiyana ya nuna Jam'iyar CPC ita ce ta lashe zaɓen a ƙananan hukumomi 23 daga cikin ƙananan hukumomi 27 na Jihar. Kamar yadda zaku ji a rahotanni da wakilanmu Ubale Musa daga Abuja, Ibrahim Yakubu dakada Kaduna da kuma Zainab Rabo Ringin daga jigawa suka haɗa mana.

Mawallafi: Abdullahi Tanko Bala

Edita      : Zainab Mohammed Abubakar