Haka kuma kungiyar ta fitar da wata sanarwa da ke bukatar a gaggauta sako tsohon shugaban kasar Alpha Conde da sojojin suka kame kuma suke tsare da shi, tare da koma wa aiki da kundin tsarin mulkin kasar. Bayan wata ganawa da shugabannin kasashen ECOWAS ko CEDEAO din suka yi, kungiyar ta bayyana cewa za ta tura tawagarta zuwa kasar ta Guinea. A hannun guda kuma Majalisar Dinkin Duniya da Amirka da kungiyar Tarayyar Afirka da ta Tarayyar Turai, sun yi tir da juyin mulkin sojojin a Guinea.