Sanarwar gwamnatin ta Nijar ta ce, an kara tsawaita dokar ta bacin ne da watanni uku wadda kuma za ta soma daga ranar Litinin 18 ga wannan wata na Satumba a yankin jihar Diffa mai makwabtaka da Jihar Borno a Tarayyar Najeriya ganin yadda har yanzu harkokin tsaro suke da rauni. Sanarwar ta kara da cewa, a yankin yammacin kasar ma an kara tsawaita dokar ta bacin ta tsawon watanni uku, ganin yadda ake ci gaba da samun barazanar 'yan ta'adda da ke fitowa daga kasar Mali.