Hari ya halaka sojoji a Nijar
February 11, 2023![Wani jami'in sojin Jamhuriyar Nijar](https://static.dw.com/image/58580123_800.webp)
Talla
Ma'aikatar tsaron Jamhuriyar Nijar, ta tabbatar da mutuwar kimanin sojoji 10 yayin da wasu 13 suka jikkata a wani harin kwantar bauna da 'yan ta'addda suka kai musu a yankin Kudu maso Yammacin kasar. Ma'aikatar ta ce ta yiwu adadin wadanda suka mutu a harin ya karu, kasancewar har kawo yanzu akwai mutane 16 da ba a san inda suke ba a harin da ya afku a kan iyakar kasar da makwabciyarta Mali mai fama da rikici.