Sojojin Amurka sun kaddamar da hari kan Iran tare da sake sanya shinge a tashoshin jiragen ruwanta a mashigin Hormuz, bayan da Tehran ta kai harin ramuwar gayya kan kawayen Washington a yankin Gulf a ranar Laraba. Gwamnatin Trump ta sha alwashin rufe mashigin Hormuz har sai ta kammala hare-harenta.

Sabbin hare-haren sun faru ne sa'o'i bayan da Shugaba Donald Trump ya yi watsi daga shirinsa na kashi 20 cikin 100 na harajin da ya yi wa jiragen ruwa da ke amfani da mashigin ruwan Hormuz.

Tehran ta jaddada matsayarta na rike linzami da muhimmiyar hanyar jigilar mai, wadda aka bude kyauta gabannin farmakin Amurka da Isra'ila a karshen watan Fabrairu da ya maida hannun agogo baya.

Rundunar kare juyin juya hali ta Iran ta ce sabon takunkumin da Amurka ta sanya, ya dakatar da fitar da mai da iskar gas zuwa sassan duniya, tare da gargadin toshe wa Amurka da kawayenta.