Akalla mutane 16 sun bakunci lahira sanan wasu 31 suka jikkata a yayin harin da dakarun Rasha suka kai a wata kasuwa da ke a nisan kilomita 30 da birnin Bakhmut da ke Gabashin Ukraine inda aka kwashe sama da shekara guda ana gwabza fada.

Karin bayani: Zafafa harin Rasha a Ukraine

Wannan hari na zuwa ne a daidai lokacin da sakataren harkokin wajen Amurka Antony Blinken ke ziyarar ba zata a birnin Kiev fadar gwamnatin Ukraine inda zai sanar da sabon tallafi wa kasar domin fuskantar mamayar Rasha.

Karin bayani: Amurka za ta bai wa Ukraine sabon tallafi

Dama dai a lokacin da aka sanar da ziyarar da mista Blinken a safiyar yau, Rasha ta zargin Amurka da fakewa da sunan Ukraine domin yin yaki da ita, inda ta ce duk wani tallafi da Washington za ta bai wa Kiev ba zai kawo mata cikas ba kan burinta a kan Ukraine.