An ji karar fashewa a yammacin gabar Tigris yankin da yawancin ofisoshin jakadancin kasashen waje suke a Iraki.

Babu wadanda suka dauki alhakin sabbin hare-haren rokokin kan barikin sojojojin Amirka da ke Irakin zuwa yanzu.

Sai dai dama ana zaman dar-dar na yiwuwar harin fansa daga Iran tun bayan da Amirka ta kashe janar Qassem Soleimani, wannan dai na zuwa ne a dai-dai lokacin da Jamus ta dawo da atisayen sojinta a Iraki bayan dakatarwar da ta yi.