Rahotanni dai sun nunar da cewa rundunar taron dangin da Saudiyan ke jagoranta a Yemen da nufin yakar 'yan tawayen Houthi, sun kai hari wata makaranta inda suka hallaka wasu dalibai 10 da jiragen yakinsu yayin wani samame ta sama a garin birnin Haydan da ke lardin Saada. Rundunar hadin kan kawancen sun ce indai ba'a yaba da yunkurin lalata bama bamai a sansonin mayakan da ake zargin kasar Iran na marawa baya ba, bai kamata a zarge su da laifin kai hari da ya hallaka dalibaia a wannan makaranta ba. To sai dai kungiyar likitoci na gari na kowa MSF ta tabbatar da cewa jiragen kawancen yakin ne suka kaddamar da hari a kan makarantar.