Harin bam din dai an kai shi ne a kan ayarin motocin gwamnan yayin da suke wucewa a garin Tawahi da ke kusa da birnin na Aden da sanyin safiyar wannan Lahadin. Aden dai na zama birni na biyu mafi girma a kasar Yemen da ke fama da rikici tsahon watanni, kana a nan ne ma gwamnatin Shugaba Abd-Rabbu Mansur Hadi ke da zama tun bayan da 'yan tawayen Houthi suka kwace iko da babban birnin kasar Sanaa.