Harris za ta kuma gana da shugabannin kungiyar 'yan Lebanon mazauna Amurka da Hala Hijazi wadanda suka rasa da dama daga cikin 'yan uwansu a yankin Gaza.

Karin bayani: Kalubalen da ke gaban Harris na yin nasara a zaben Amurka

Gabanin ganawar Harris da Musulmin na Michigan, babban mashawarcinta kan tsaro Phil Gordon ya shaida wa al'ummar musulmin cewa gwamnatin Amurka ta damu matuka wajen ganin an kawo karshen yakin Gaza da kuma samar da maslaha ta diflomasiyya a Lebanon har ma da bukatar zaman lafiyar Gabar Yamma da Kogin Jordan.