Hausawan Sudan sun yi tir da kabilanci
July 19, 2022![Sudan - Proteste von Gegnern der Militärjunta in Khartoum](https://static.dw.com/image/62505407_800.webp)
Talla
Galibin masu zanga-zangar na dauke da allunan da ke neman a kawo karshen kashe-kashen Hausawa, yayin da wasu ke jinjina wa wadanda tashin hankalin ya ritsa da su. Wannan rikici kan kasa tsakanin Hausawa da kabilar Bartis- ya barke ne a ranar Litinin din da ta gabata a jihar Blue Nile da ke kan iyakar Sudan da kasar Habasha.
Duk da cewa hankali ya kwanta a wannan yanki, amma rikicin ya bazu zuwa wasu jihohi da dama na Sudan da suka hada da Kassala da ke Arewa, inda a ranar Litinin dubban Hausawa suka kona wasu gine-ginen gwamnati. Dama dai rikicin ruwa da filayen noma sun jima suna sanadin mutuwar daruruwan mutane a kasar Sudan.