Matashiyar mai suna Zainab Lawal Abdulkadir na yin dambun naman da kaji, kuma ta ce ta shiga wannan sana'ar da kafar dama ta la'akai da irin nasarorin da ta samu, koda yake hakan ba yana nufin ba ta fuskantar kalubale ba.

Ganin Zainab tana matashiya ta kama wannan sana'a ta dambun nama kuma ta yi sa a sana'ar ta karbeta, hakan ya sa ta yi amfani da damarta wajan nusar da 'yan uwanta mata, kan su tashi su nemi na kansu. A cewar Zainab a yanzu ba ta jiran sai an ba ta kafin ta yi wa kanta da ma dangi hidima.