Matashiyar mai suna Khadija Sa'ad dai ta rungumi wannan sana'ar ne jim kadan bayan kammala karatunta. A cewarta ta yi nazari kan irin tayoyoin motoci da na a dadaita sahu da babura da ake zubarwa barkatai idan sun lalace.

Matashiya Khadija ta ce tana amfani sarrafa tayoyin wajen yin sana'a da kuma kare muhalli ganin yadda tayoyin ke gurbata muhalli da kuma yawan sare bishiyoyi domin sarrafa su wajen yin kujerun da ake yi da katako.

Khadija na koyar da sauran 'yan uwanta matasa wannan sana'a da tace ta cimma nasarori da dama da ita, koda yake ba a rasa kalubale musammman daga masu sayen kayan da wasu ke ganin ba za su iya sayen kujerun da aka yi da tsofaffin tayoyin ababen hawa ba.