Tattalin arziki
Matashin da ya kirkiro radiyo a Kano
September 22, 2021![Symbolbild Radiogerät, Stereoreceiver](https://static.dw.com/image/19045324_800.webp)
Talla
Matashin mai suna Salim Haruna Bichi hazikin matashi ne da yake da matukar sha'awar kere-keren na'urori, dabam-dabam tun lokacin kuruciya. Saboda wannan sha'awa ta kere-kere da yake da ita, ya karanta darasin injiniya domin ya kara fadada baiwarsa. A yanzu da yake dab da kammala karatunsa na babbar diploma a kwalejin fasaha ta Kano, ya kera radio. Radiyon tasa dai, na kama tashoshin FM, inda yake nishadantar da mutane da abin da ya ce ya karanta a makaranta kuma ya yi bincike sosai kafin ya cimma wannan nasara. Matashin dai yana alfahari da wannan nasara da ya cimma, koda yake ba ya rasa kalubale.