Grossi ya ce ziyarar ta tawagar kwararru za ta iya bayar da damar masu saka ido na Majalisar Dinkin Duniya komawa Iran din don ci gaba da gudanar da bincike, watakila a cikin wannan shekarar.

Mista Grossi ya shaidawa manema labarai yayin wata ziyara da ya kai kasar Singapore inda ya ce idan ba su koma da wuri ba, za a iya fuskantar babbar matsala, a cewarsa wannan wani nauyi ne da ya rataya a wuyan Iran.

A farkon watan Yuli ne wata tawagar hukumar ta IAEA ta fice daga Iran yayin wata ziyara da ta kai bayan da Tehran ta sanar da dakatar da huldarsu.

Iran ta zargi hukumar ta IAEA da bakinta a hare-hare da aka kai cibiyoyinta na nukiliya a watan Yuni, wanda Isra'ila ta ce ta kaddamar da su ne domin hana ta kera makamin nukiliya.

A ranar 22 ga watan Yuni ne Amurka ta kai nata hare-hare a kan cibiyoyin nukiliyar Iran da ke Fordo da Isfahan da kuma Natanz.

Karin Bayani: Iran da wasu kasashen Turai na shirin zama a Turkiyya kan shirin nukiliyar Teheran