Hukumomin Sudan ta Kudu sun rufe wani gidan rediyo
August 19, 2014![Südsudans Präsident Salva Kiir Mayardit](https://static.dw.com/image/17339401_800.webp)
Talla
Kwamitin ya bayyana cikin wata sanarwa da ya fitar cewa jami'an tsaro sun mamaye gidan rediyon Bakhati a ranar Asabar, su ka yi awon gaba da ma'aikata guda huɗu ciki kuwa har da daraktan labarai na wannan gidan rediyo wanda har yanzu ke hannun mahukunta.
Wannan sanarwa dai ta ambato cewar Ateny Wek, mai magana da yawun fadar shugaban ƙasa ya ce gidan rediyon na yaɗa shirye-shiryen da suke barazana ga tsaron ƙasar, inda ya ke bayyana cewar jami'an tsaro na ɓangaren gwamnati su ke daɗa rura wutar rikici yaƙin ƙasar.
Mawallafi : Yusuf Bala
Edita : Abdourahamane Hassane