Kotun da ke Khartoum ta yanke hukuncin kisa kan wasu dakarun Rapid Support Force(RSF) bayan da aka same su da laifin kisan masu zanga-zanga a lokacin da guguwar sauyi ta kada a kasar, shekaru biyun da suka gabata.

Alkalin kotun  Ahmed Hassan al-Rahma ya ce, ko kadan, bai dace a yi wa dalibai da suka fito zanga-zangar lumana irin wannan kisan gillar ba. Ya soki kisan da kuma ya ce, tsantsan rashin imani ne.

A shekarar 2019, zanga-zangar nuna adawa da mulkin Oumar al-Bashir ta barke saboda karancin abinci da man fetur a kasar. Kimanin mutane 128 alkaluma suka nunar sun mutu, daga kashe-kashen da aka zargi dakarun RSF da hambararren shugaban ya kafa a shekarar 2013 da aikatawwa. An dai nuna yadda aka yanke ta kafar talabijin din kasar.